Eich Cyngor

Mae cymuned Pontardawe, sy'n cynnwys wardiau etholiadol Pontardawe, Rhyd y Fro a Threbannws, yn cael ei gwasanaethu gan Gyngor Tref etholedig sy'n cynnwys 16 o Aelodau, ac mae'n ffurfio rhan o fwrdeistref sirol Castell-nedd Port Talbot.

Mae'r Cyngor yn cyfarfod unwaith y mis, ar yr ail ddydd Llun am 6.45pm, ac eithrio ym mis Awst pan nad oes cyfarfod, ac mae'n gyfrifol am nifer o Neuaddau Cymunedol, Parciau, Llwybrau Troed a rhan o Warchodfa Natur Cwmdu. Mae'r Cyngor hefyd yn gweithio mewn partneriaeth â Grwpiau Cymunedol, sefydliadau trydydd sector a'r Awdurdod Unedol i ddarparu gwyliau a manteision eraill ar gyfer y Gymuned.

Teimlwyd ers meitin fod diffyg mewnbwn i Gynghorau Tref a Chymuned gan bobl ifanc yn eu wardiau lleol. Mae Llywodraeth Cynulliad Cymru wedi ceisio unioni’r sefyllfa hon trwy ganiatáu i Gynghorau Tref a Chymuned benodi hyd at ddau ‘Gynrychiolydd Ieuenctid Cymunedol’ a fyddai’n gallu mynd i gyfarfodydd. Er na fyddent yn gallu pleidleisio byddent yn gallu darparu ‘Safbwynt Pobl Ifanc’ ynghylch materion sy’n effeithio ar eu hardal leol.

Mae Cyngor Tref Pontardawe yn llwyr gefnogi’r fenter hon ac ar hyn o bryd mae’n penodi dau Gynrychiolydd Ieuenctid i’r Cyngor bob blwyddyn.

Byddai gofyn i unrhyw ddarpar-ymgeiswyr fod dros 15 oed ond yn iau na 26 oed ar ddyddiad y penodiad a rhaid bod ganddynt gysylltiad ag ardal Cyngor Tref Pontardawe.

Mae Cynrychiolwyr Ieuenctid yn y rôl am gyfnod o flwyddyn ac rydym yn cyfethol un cynrychiolydd ym mis Hydref ac un arall yn ystod y mis Ebrill canlynol