What3words ar gyfer lleoliad y bocs: ideas.courage.loudness

Mae'r gwaith celf hwn yn darlunio hen bont Pontardawe, a adeiladwyd gan William Edwards (1719-1789), a roddodd ei henw i'r dref – Pont-ar-Dawe, sef y Bont dros yr Afon Tawe. Mae'n ymddangos bod rhyw fath o bont yn ei lle dros y Tawe yn y lleoliad hwn erbyn 1729, gan ei bod yn ymddangos ar gyhoeddiad o’r enw New and Accurate Map of South Wales gan Emanuel Bowen a gyhoeddwyd yn y flwyddyn honno. Fodd bynnag, roedd poblogaeth yr ardal yn brin bryd hynny, ac nid oedd yn dref ar y adeg hon. Nid ydym yn gwybod yr union ddyddiad y codwyd pont gan William Edwards, saer maen ac adeiladwr pontydd o Eglwysilan ger Caerffili, ond mae gan ei bont dros y Tawe rychwant o 80 troedfedd ac un bwa.

Er nad yw'n cael ei defnyddio bellach, ac mae’n cuddio i raddau helaeth, mae'r bont yn eicon pwysig i'r dref ac yn ymddangos ar fathodynnau nifer o ysgolion a chlybiau chwaraeon y dref. Mae'r gwaith celf hefyd yn darlunio draig Gymreig, sef symbol cenedlaethol y genedl, ac mae’n cynnwys y gair Croeso.

Roedd gosod y dyluniad hwn wrth galon Stryd Herbert, sef prif stryd y dref a, gyda llaw, lleoliad croesffordd wreiddiol y dref, yn allweddol i'r prosiect, i sicrhau bod y gweithiau celf hyn yn weladwy i bawb sy'n ymweld â'n tref hyfryd.